Khuda Ke Bharose Aas Lagaye Baitha Hoon

Gamon Ki Barsat Samete Baitha Hoon
Kisi Bewafa Se Dhokha Khaye Baitha Hoon
Jane Kab Dega Uperwala Mujhe Maut
Khuda Ke Bharose Aas Lagaye Baitha Hoon.
 

Kuch Mere Jeene Ka Sahara To Hota

Unki Aankho Se Kaash Koi Ishara To Hota
Kuch Mere Jeene Ka Sahara To Hota
Tod Dete Hum Rasm Zamaane Ki
Ek Baar Hi Sahi Usne Pukara To Hota.
 

Aafat Gale Padi Hai Usko Nibha Raha Hoon.

Jab Se Hui Hai Shaadi
Aansoo Baha Raha Hoon
Aafat Gale Padi Hai
Usko Nibha Raha Hoon
Biwi Mili Hai Aisi
Vo Kaam Kya Karegi
Khud Lux Mein Naha Kar
Khushbu Mein Tar Rehegi
Tukde Bache Hue Hain
Unse Naha Raha Hoon
Aafat Gale Padi Hai
Usko Nibha Raha Hoon
Barah Baje Ghadi Mein
Madam Ji So Rahi Hain
Bacho Ki Fauj Aake
Meri Jaan Ko Ro Rahi Hai
Bacho Ke Saath Baitha
Khana Paka Raha Hoon
Aafat Gale Padi Hai
Usko Nibha Raha Hoon
Soyi Hai Vo Palang Par
Sar Dard Ke Bahane
Kis Ki Majaal Hai Jo
Jaaye Use Uthane
Yaaro Bura Na Mano
Mein Sar Daba Raha Hoon
Aafat Gale Padi Hai
Usko Nibha Raha Hoon
Duniya Ko Yeh Pata Hai
Begum Ka Hoon Mein Shohar
Is Ghar Ka Mein Tha Malik
Ab Ban Gaya Hoon Naukar
Bistar Laga Raha Hoon
Chadar Bicha Raha Hoon
Aafat Gale Padi Hai
Usko Nibha Raha Hoon
Jab Se Hui Hai Shaadi
Aansoo Baha Raha Hoon
Aafat Gale Padi Hai
Usko Nibha Raha Hoon. 

Dil Mein Deewar Kyon Khadi Kar Li

Bhool Shayd Bahut Badi Kar Li
Humne Duniya Se Dosti Kar Li

Tum Mohabbat Ko Khel Kehte Ho
Humne Barbaad Zindagi Kar Li

Hum Nahi Jaante Chiragon Ne
Kyon Andheron Se Dosti Kar Li

Dhadkane, Dafn Ho Gayi Hongi
Dil Mein Deewar Kyon Khadi Kar Li